Оқиға • 20 Ақпан, 2023

Қызылорда облысында жол апатынан төрт адам қаза тапты

435 рет
көрсетілді
1 мин
оқу үшін

19 ақпанда Қызылорда облысындағы тасжолдың бірінде жол апаты болып, төрт адам қаза тапты, деп хабарлайды Egemen.kz.

Қызылорда облысында жол апатынан төрт адам қаза тапты

Фото: Қызылорда облысы ПД баспасөз қызметі

Облыстық полицияның мәліметінше, қайғылы оқиға Самара-Шымкент тасжолының 1767-1768 шақырымында (Сырдара ауданы) болған.

«Mercedes пен Opel көліктері соқтығысқан. Оқиға салдарынан 4 адам қаза тапты, біреуі ауруханаға жеткізілді. Жол апатына байланысты мәліметтер анықталып жатыр», деді Қызылорда облысы Полиция департаметінің баспасөз қызметі.

Қазақстан Республикасы Қылмыстық кодексінің 345-бабы 4-бөлігі бойынша сотқа дейінгі тергеу амалдары жүргізіліп жатыр.