Аймақтар • 24 Ақпан, 2023

Авиация басқармасы тікұшақ апатына байланысты тексеру жүргізеді

252 рет
көрсетілді
1 мин
оқу үшін

23 ақпан күні Батыс Қазақстан облысында Ми-8 тікұшағы апатқа ұшырап, төрт адам қаза тапты. Осыған байланысты ҚР Авиация әкімшілігінің бас директоры Каталин Раду Операциялық орталықтың шұғыл отырысын өткізді, деп хабарлайды Egemen.kz.

Авиация басқармасы тікұшақ апатына байланысты тексеру жүргізеді

Азаматтық авиация комитетінің ресми мәлімдемесіне сәйкес, отырысқа ұшуға жарамдылық, ұшуды пайдалану, аэронавигация, лицензиялау, авиация медицинасы, іздестіру-құтқару және ұшу қауіпсіздігі департаменттерінің өкілдері қатысты.

«Әуе оқиғасы болған Ми-8 әуе кемесінің ұшуға жарамдылық сертификаты 2022 жылғы 03 мамырда берілді. Тікұшақ 2021 жылғы 27 қаңтарда шығарылған. Қазақстан Республикасының Азаматтық әуе кемелерінің мемлекеттік тізілімінде 2022 жылғы 14 сәуірде тіркелген (куәлік нөмірі 1273, әуе кемесінің мемлекеттік және тіркеу тану белгісі UP-MI874)», деп хабарлады ҚГА баспасөз қызметі.

Сондай-ақ Қазақстанның авиациялық әкімшілігі Ми-8 ұшақтарын пайдаланатын авиакомпаниялардың қызметіне жоспардан тыс тексеру жүргізетіні айтылды.

«Тексерулер нәтижелері бойынша жүйелі бұзушылықтар анықталған жағдайда ұшу қауіпсіздігінің барлық мәселелері шешілгенге дейін тиісті сертификаттар мен куәліктер тоқтатылады», делінген хабарламада.