Астана күніне орай Шәмші Қалдаяқовты еске алуға арналған мерекелік концерт өтеді

АСТАНА. 23 маусым. Елорда күніне орай, яғни, 4 шілде күні сағат 15.00 және 19.00-де «Қазақстан» орталық концерт залында Шәмші Қалдаяқовтың шығармашылығына арналған концерт өтеді. Бұл туралы astana.kz хабарлады. «Әнім сен едің» атты бұл ән кешінде елорда тұрғындары мен қонақтарына жанды музыка мен түрлі қойлымдар ұсынылады. Концертте Роза Рымбаева, Әлібек Дінішев, «МузАрт», Rin'Go және тағы басқалар өнер көрсетеді. Ән кеші Астана эстрада-симфониялық оркестрінің сүйемелдеуімен өтеді. Концерттің теленұсқасы «Қазақстан» «Хабар», «Білім және Мәдениет» телеарналарынан көрсетіледі. Жолдыбай Базар. Дереккөз: astana.kz. Фото: : astana.kz.