Атыраулықтар Еуразиялық экономикалық одақтың келешегінен зор үміт күтеді

АСТАНА. 24 маусым. Атырау облысының тауар өндірушілері Еуразиялық экономикалық одаққа үлкен сенім артып отыр. Бұл туралы «24kz» хабарлады. Атырау өңіріндегі көптеген кәсіпорындар көршілес мемлекеттермен байыпты экономикалық қарым-қатынас қалыптастырған. Олар енді өткізу аясы кең жаңа нарыққа шығуға әзірлік үстінде. Осындай кәсіпорындардың бірі ретінде Атырау облысы Құрманғазы ауданындағы Шортанбай балық зауытын айтуға болады. Бұл зауыт жылына 4 мың тонна балық өңдеп, 40-тан астам дайын тауар өндіріп, оны шетелге сатуда. Жолдыбай Базар. Дереккөз: «24kz». Фото: «24kz».