Бұл бастама – қазақ әжелерінің ұлттық дәстүрге деген шексіз құрметінің көрінісі. Олар бір жыл бойы арнайы биязы жүннен басылған жұқа киізге басқа түсті киізден немесе матадан ою-өрнек сырып, астар салып тікті. Оған қошқар мүйіз, түйе табан, сынық мүйіз сынды бес түрлі түспен көмкерілген ою-өрнектің классикалық үлгісін пайдаланды.
Аталған туынды Наурыз мейрамында алғаш көрмеге ұсынылды. Сырмақты тұрғындармен бірге «Әлемдік рекордтар кітабының» өкілдері де тамашалады.
Сырмақты жасағандар ішінде Қарасай ауданына қарасты Іргелі ауылдық округінің әжелері де болды. Таяуда ауылдық округ әкімінің орынбасары Ескендір Егеубек ақжаулықты әжелерге алғысын білдіріп, «Әлемдік рекордтар кітабы» ұйымы жіберген сертификатты ресми түрде табыс етті.
Ақтоты МЫРЗАБЕКҚЫЗЫ
Алматы облысы,
Қарасай ауданы
