8 наурыз күнгі сағат 8:00-дегі жағдай бойынша, жылдамдығы 27 м/с дейінгі екпінді желдің салдарынан (Қазгидромет деректері бойынша) 2 елді мекендегі ғимараттың шатыры ұшып кеткен.
Сағат 4:15-те Баянауыл ауданы Жаңатілек ауылындағы мектептің шатырын жел ұшырып кеткен.
Сағат 6:30-да Павлодар қаласы Катаев көшесі 18 мекенжайындағы 4 қабатты әкімшілік ғимараттың 1440 шаршы метр көлемінде шатыры құлаған.
«Бұнда шатырдың соңғы жөндеу жұмыстары 1980 жылы жүргізілген. 2022 жылғы жөндеу жұмысы аяқталмаған», деді департаменттегілер.
Сонымен қатар қатты жел салдарынан 2 ауданда электр қуаты ажыратылып қалды.
Май ауданында 5 елді мекенде (Баскөл, Кентубек, Майтүбек, Ақжар және ішінара Көктөбе ауылдары) жарық өшті. Абоненттер саны нақтылануда. Апатты жоюға аудандық электр станциясының қызметкерлері (12 адам, 3 бірлік техника) жұмылдырылды.
Аққулы ауданында 16 елді мекенде (Бесқарағай, Жамбыл, Жаңатан, Айтей, Шарбақты, Тосағаш, Жабағылы, Қазы, Малыбай, Қазантай, Майқарағай Мерғалым, шақ, Шоқтал; ішінара Аққулы және Ямышево ауылдарында.) жарық өшті. Абоненттер саны нақтылануда. Апатты жоюға ЛРЭС (10 адам, 2 бірліктехника) жұмылдырылды.
