Ауыл шаруашылығы министрлігінің Ветеринариялық бақылау және қадағалау комитеті сиыр еті мен одан жасалған өнімдерді әкелуге уақытша шектеу енгізді. Тыйым тек Бразилиядан келетін етке қолданылады. Бұған дейін Латын Америкасы елінде ірі қара малдың губка тәрізді энцефалопатиясы (BSE) анықталғаны туралы ақпарат тараған.
Сарапшылардың пікірінше, шектеу шаралары өнім бағасының өсуіне әкелуі мүмкін. Өйткені Қазақстан Бразилиядан сиыр етін төмен бағаға сатып алады. Импортқа тыйым салғандықтан баға 20-30 пайызға дейін көтеріледі.
