Аталған жарыста Чжу Цзиньэр (2489 ұпай, Қытай), Катерина Лагно (2560, Ресей), Хампи Конеру (2576, Үндістан), Александра Горячкина (2576, Ресей), Нана Дзагнидзе (2525, Грузия), Элизабет Петц (2474, Германия), Харика Дронавалли (2511, Үндістан), Полина Шувалова (2484, Ресей), Сарасадат Хадемальшариех (2490, Иран) және Нино Бациашвили (2489, Грузия) сынды әлемдік деңгейде мойындалған ойыншылар өнер көрсетеді. Бақ сынаушылар қатарында бірқатар аса ірі халықаралық додада дараланған қазақтың қос қызы – Жансая Әбдімәлік (2497) пен Бибісара Асаубаева да (2440) бар.
Ал одан кейін Гран-придің соңғы кезеңі Польшаның Быдгош қаласында ұйымдастырылады. Осы жарыстарда үздік шыққан екі шахматшы ФИДЕ-нің «Үміткерлер турниріне» қатысу құқығына ие болады.
