![Астанада сайлау күні қоғамдық көлікпен жүру тегін болады](/media/2023/03/17/37b43cf121f4330fe64226da9ee609f0_1280x720.jpeg)
19 наурызда автобустар таңғы 06:00-ден түнгі 23:00-ге дейін штаттық режимде жүреді. Жолаушылар үшін жол жүру тегін болады. Ал 20 наурыздан бастап, дүйсенбіде қоғамдық көлік қолма-қол ақшасыз төлеммен штаттық режимде жұмыс істейді.
Естеріңізге сала кетейік, қала тұрғындары елордадағы сайлау учаскесін бірнеше тәсілмен онлайн біле алады:
1. Веб-қызмет: https://sailau.astana.kz/
2. Telegram-дағы ч-бот: https://t.me/sailau_astana_bot
3. Smart Astana мобильді қосымшасы;
4. IKomek бірыңғай байланыс орталығы 109 телефоны бойынша.
Айта кету керек, 2004 жылдан бері алғаш рет дауыс беру жаңа ережелер бойынша өтеді – депутаттар аралас жүйе бойынша сайланады.
Сіз тек партия үшін ғана емес, тәуелсіз кандидаттар үшін де дауыс бере аласыз. Мәжіліс пен мәслихат сайлауында елорда тұрғындары түрлі түсті бюллетеньдердің төрт түрін алады. Бланкілер әр түрлі түсті болады.
Мәжіліс депутаттарын партиялық тізімдер бойынша таңдау үшін – көк, ал бір мандатты округтер бойынша – жасыл. Қалалық мәслихатқа дауыс беру үшін күлгін және қызғылт сары түсті бюллетеньдер болады. Әр бюллетеньде «барлығына қарсы» деген баған болады.