Оқиға • 17 Наурыз, 2023

Теміртау тұрғынынан 3 келі есірткі тәркіленді

751 рет
көрсетілді
1 мин
оқу үшін

Астана полицейлері Теміртау тұрғынынан 3 келі гашиш тәркіледі, деп хабарлайды Egemen.kz ІІМ баспасөз қызметіне сілтеме жасап.

Теміртау тұрғынынан 3 келі есірткі тәркіленді

Елорданың ҰҚҚКБ қызметкерлері патрульдік полициямен бірлесіп, Мәңгілік Ел даңғылы бойындағы көлік тұрағынан 51 жастағы Теміртау тұрғынын тексерген. Тінту кезінде рюкзактан жалпы салмағы 2,918 келі болатын сұр-жасыл түсті зат салынған полиэтилен пакеті табылған.

Тәркіленген есірткі затының гашиш екендігі анықталған.

Аталған дерек ҚР ҚК-нің 296-бабы бойынша сотқа дейінгі тергеу амалдары жүргізіліп жатыр. Ер адам УҰИ-ға қамалды.