Шахмат • 27 Наурыз, 2023

Бибісара Асаубаева кешірім сұрады

277 рет
көрсетілді
1 мин
оқу үшін

Белгілі шахматшы, әлем чемпионы Бибісара Асаубаева Instagram парақшасында Нью-Делидегі Гран-при турнирінде туындаған дауға қатысты пікір білдіріп, эмоцияға ерік бергені үшін кешірім сұрады, деп хабарлайды Egemen.kz.

Бибісара Асаубаева кешірім сұрады

«Мен айтқан бір эпизод жағдайды өршітіп жіберді. Бәріміз не істейтінімізді білмей қалдық. Аздап қызбалыққа салынып кеткен шығармын. Сол үшін көптеген хейтке де тап болдым. Ақылға салып, салқынқандылық танытудың орнына эмоцияға берілген кезде, оның өз әсері болады. Бұл бәрімізге сабақ болуға тиіс. Шахматшы алдағы бірнеше қадамын ойланып жүруі керек. Бұның өмірде де маңызы зор. Ондағы қатенің бағасы шахмат тақтасына қарағанда әлдеқайда жоғары. Егер мен қателессем, мойындауға дайынмын», деп жазды шахматшы.

Ол Нью-Делиде болған келеңсіздіктердің жөн емес екенін, лайықты құрмет көрсетілуі керек болғанын айтты.

«Егер біреуді қорлаған болсам, кешірім сұраймын. Біреудің ар-намысына тиемін деген ойым болған жоқ. Оған лайықты құрмет көрсетілсін», деді Асаубаева.