27 наурызда Жаңаөзенде мұнай ұңғымаларын күрделі жөндеу бойынша қызмет көрсететін сервистік компанияның аумағында химиялық реагенттері бар 11 резервуар өртенді. Өрттің жалпы ауданы 120 шаршы метрді құрады.
Оқиға орнына өрт сөндіру қызметінің 17 қызметкері мен 4 техникасы, сондай-ақ «Семсер - Өрт сөндіруші» және «Өрт сөндіру қызметі-М» мемлекеттік емес өртке қарсы қызметтерінің 2 техникасы мен 8 қызметкері жұмылдырылды.
Өртті сөндіру кезінде химиялық реагенттердің конструкциялары бір мезгілде салқындатылды.
Жалын дереу оқшауланып, толығымен жойылды, қазіргі уақытта оқиғаның егжей-тегжейлері анықталып жатыр.
Құрбандар мен зардап шеккендер жоқ.
