Реджеп Тайип Эрдоған Түркия президенттігіне үміткер атанды

АСТАНА. 2 шілде. Түркияның премьер-министрі Реджеп Тайип Эрдоған президенттік сайлауға қатысады. Бұл туралы Tvc.ru хабарлады. Президенттік сайлауға Реджеп Тайип Эрдоғанның кандидатурасын Түркияның билік басындағы әділдік және даму партиясы ұсынып отыр. Бұған дейін оппозициялық халықтық-республикалық партия мен ұлттық іс-қимыл партиясы, сондай-ақ халықтық-демократиялық партия президенттік сайлауға өз кандидаттарын ұсынған болатын. Аталған елдегі президенттік сайлау 2014 жылдың 10 тамызында өтеді. Бұл Түркиядағы алғашқы бүкілхалықтық президент сайлауы болмақ. Өйткені, бұған дейін президентті парламент сайлайтын. Айдар Өрісбаев. Дереккөз: Tvc.ru. Фото: Mk-turkey.ru.