«Қазақ хас өнері мен спортының алтын бесігіне айналған қасиетті Атырау жеріне қош келдіңіз! Шыбықты ат қып мінген шақтан спортты жаныңызға серік қылып, ел алдында серт ұстап, көк байрағымызды әлемдік додада асқақ желбіретіп жүрсеңіз, оның тамырында – туған елге деген асқан сүйіспеншілік жатыр. Ең бастысы, сізге қарап бой түзейтін қазақ жастарының үлкен керуені бар. Сол дүрия дәуренді көштің сапары оңынан болғай. Сізге зор денсаулық, мол бақыт, үлкен табыс тілеймін», деді С. Шәпкенов.
Шавкат Рахмонов арнайы қабылдаған облыс әкімі Серік Шәпкеновке алғысын білдірді. Өзіне сенген қаймана қазақтың үмітін ақтап, ел мерейін асқақтату үшін бар күш-жігерін жұмсайтынын жеткізді.
