Үш шахматшының да ұпай саны бірдей – 5,5. Бүгін өтетін соңғы 11-ші турда Гран-придің үшінші кезеңінің жеңімпазы анықталады. Турнир кестесіне сәйкес онда осы жарыстың барлық 10 қатысушысы өнер көрсетеді.
Қазақстандық екі дүркін әлем чемпионы Бибісара Ассаубаева атақты ресейлік Катерина Лахноға қарсы ақ фигуралармен ойнайды. Катерина Лахно Еуропаның екі дүркін чемпионы, вице-чемпионы, блицтен үш дүркін әлем чемпионатының жеңімпазы және жылдам шахматтан әлем чемпионы. Оның командалық турнирлерден де алған алтын медальдары бар.
Сондай-ақ ресейлік Александра Горячкина ақ фигуралармен финалдық айналымда ойнайды, оған турнир қожайыны Хонеру Кампи қарсыласады. Қытайлық Жу Цзиньер қара фигураға ие болды, ол грузин Нино Бациашвилимен жекпе-жекте максималды ұпай жинауға тырысады.
Айта кетейік, бұған дейін Астана мен Мюнхенде өткен екі кезеңнен кейін Катерина Лахно мен Чжу Цзиньер үздік үштікке енді. Әрине, олар Никосиядағы (Кипр) төртінші раундтың алдында жалпы көшбасшылығын қамтамасыз ету үшін Нью-Делиде құнды ұпай жинағысы келеді.
