![Күйеуінің бұрынғы әйелін өлтірген елордалық 1,5 жылға сотталды](/media/2023/04/05/6267c3c4-b563-4fef-9472-0776a89b6b06.jpg)
Бүгін, 5 сәуірде айыпталушыға қатысты Қылмыстық кодекстің 101-бабы, 1-бөлігі (аффект жағдайында адам өлтiру) дерегі бойынша сот үкімі шықты.
Сотта істі қарау барысында тараптар татуласу туралы медиациялық келісімге қол жеткізген.
«Осындай жағдайда соттың Қылмыстық іс жүргізу кодексінің 340-бабының 1-бөлігіне сәйкес сотталушының жағдайын нашарлатуға құқығы жоқ, сотта прокурор Р.-ға 1 жыл 6 ай мерзімге бас бостандығынан шектеу жазасын сұрады. Сотталушының кінәсі Р.-ның өзінің, куәгерлердің айғақтарымен, оқиға орнынан түсірілген бейнежазбамен, сараптама қорытындыларымен дәлелденді», деп түсіндірді сот.
Нәтижесінде, судья Р.-ның қылмысын орташа ауыр дәрежеде бағалап, сотталушының бір жасар баласы бар екенін және оның жасаған әрекетіне өкінуін жеңілдететін мән-жайлар деп ескеріп, 1 жыл 6 айға бас бостандығын шектеу жазасын тағайындады.
Үкім заңды күшіне енген жоқ.