АСТАНА. 3 шілде. Тұңғыш Президент мұражайында «Нұр Отан» партиясы қатарына азаматтарды дәстүрлі қабылдау рәсімі ұйымдастырылды. Бұл туралы «ҚазАқпарат» хабарлады.
Астана күніне орайластыра өткізілген бұл шара барысында азаматтарға партия билеттерін «Нұр Отан» партиясы Төрағасының бірінші орынбасары Бауыржан Байбек табыстады.
Бауыржан Байбек: «Партия Төрағасы барлық нұротандықтарды саяси көшбасшылықты күнделікті істе дәлелдеп, қоғам өмірінің барлық бағыттарында алдыңғы орында болуымызды міндеттеген. Сіздер де осы сенімнің үдесінен толықтай шығасыздар деген үміттемін!», – деді.
Партия қатарына өткендердің арасында белгілі сәулетші, Мемлекеттік Елтаңбаның авторы Жандарбек Мәлібекұлы, республикалық бірқатар айтыстардың жеңімпазы Біржан Байтуов, «Қазақстан Барысы» турнирінің 2013 жылғы жеңімпазы Айбек Нұғымаров және басқа да бірқатар адамдар бар.
Жолдыбай Базар.
Дереккөз: ҚазАқпарат».
Фото: ҚазАқпарат».
