Айбек Смадияровтың айтуынша, Қазақстан әрқашан дінаралық диалогтың толеранттылығы мен нығаюын жақтайды және БҰҰ Қауіпсіздік Кеңесінің қарарларына сәйкес Таяу Шығыс мәселесін бейбіт жолмен реттеуге бағытталған халықаралық қоғамдастықтың күш-жігерін берік қолдайды.
«Қазақстан қасиетті «Әл-Ақса» мешітінде мұсылмандарға шабуыл жасалуына байланысты Таяу Шығыстағы шиеленістің өршуіне қатысты өзінің алаңдаушылығын білдіреді», деп атап өтті ол брифинг барысында.
СІМ ресми өкілі атап өткендей, тараптар ұстамдылық танытып, зорлық-зомбылыққа және ахуалдың одан әрі ушығуына әкелетін қадамдардан бас тартуы керек.
«Бұл ретте статус-кво сақтауды маңызды деп санаймыз. Қасиетті Рамазан айы мен Песах мейрамы кезеңінде саяси, діни және қоғамдық көшбасшылар бұл шиеленісті азайтуға бар күшін салады деп үміттенеміз. Қазақстан әрдайым толеранттық және діндер арасындағы диалогты нығайтуға шақыра отырып, Біріккен Ұлттар Ұйымы Қауіпсіздік Кеңесінің қарарларына сәйкес Таяу Шығыс мәселесін бейбіт жолмен шешуге бағытталған халықаралық қоғамдастықтың күш-жігерін қолдайды», деп түйіндеді Айбек Смадияров.
Бұған дейін Израильдің қауіпсіздік күштері Әл-Ақса мешітінің намаз залына кіріп, палестиналықтарға шабуыл жасағаны хабарланған еді. Оқиға салдарынан ондаған адам зардап шекті.
