2016 жылдан бастап елімізде К2 экологиялық сыныбының жанар-жағармайын сату тоқтатылады

АСТАНА. 8 шілде. Елімізде 2016 жылдың 1 қаңтарынан бастап Еуразиялық экономикалық комиссияның шешіміне сәйкес К2 экологиялық сыныбындағы автомобиль бензинін және дизель отынын шығаруға тыйым салынады.  Бұл туралы primeminister.kz хабарлады. Индустрия және жаңа технологиялар министрлігі техникалық реттеу және метрология комитетінің хабарламасында көрсетілгендей, «Кеден одағы аумағында айналымға шығатын автомобиль және авиациялық бензинге, дизель және кеме отынына, реактивті қозғалтқыштарға және мазутқа қойылатын талаптар туралы» Кеден одағының техникалық регламентіне енгізілетін өзгерістер негізінде 2016 жылдың 1 қаңтарынан К2 экологиялық сыныбының автомобиль бензинін және дизель отынын қолдануға тыйым салынады. Аталған техникалық регламентке енгізілген өзгерістер 2014 жылдың 10 шілдесінде күшіне енеді. Жолдыбай Базар. Дереккөз: primeminister.kz. Фото: news.delovoimir.kz.