Қазақстан жасөспірімдері В тобындағы соңғы ойында Азиядағы мықты құрамалардың бірі – Жапониямен кездескен еді. Бұған дейін екі құрама да ширек финалға жолдама алған.
Бұл жолы жас отандастарымыз 0:2 есебімен қарсыластарына есе жіберді. Ариана Гогулина 2,5 сағатқа созылған бәсекеде Ямомото Хикариге жол берді – 6:3, 5:7, 3:6.
Ал Полина Слепцова Шихо Тцуджиокиге жол берді, есеп - 6:7 (5:7), 4:6. Бірінші партияда Полина 2:5 есебімен жеңіліп жатып, таразы басын теңестірген. Десе де, тай-брейкте жеңіліс тапты.
Енді жеребе қорытындысына сәйкес Ярослава Шведованың шәкірттері ширек финалда Тайбэй құрамасымен ойнайды.
