Қарағанды облысында жол апатынан 6 адам қаза тапты

АСТАНА. 11 шілде. Қарағанды облысында орын алған жол-көлік оқиғасы салдарынан 6 адам қаза тапты. Бұл туралы Total.kz хабарлады. Апат жұма күні таңғы 5:30-да Қарағанды – Алматы трассасының Ақтоғай ауданына қарасты Гүлшат кентіне жақын жерде «Лада Приора», ВАЗ-21010 және «Хюндай» автокөліктерінің бір-бірлерімен соқтығысулары арқылы болған. «Қаза тапқандардың кімдер екендері анықталып жатыр. Соғысу кезінде мәшилердің соққы нүктесінен жылжып кеткендерін ескере келгенде, олардың қайсысының қарсы жол бетіне шығып кеткенін анықтау қиын болып тұр. Енді автотехникалық сараптама жасалады», - деді Ақтоғай аудандық прокуратурасындағылар. Болған оқиғаға байланысты қылмыстық іс қозғалды. Құрыш Нұрымбет. Дереккөз: Total.kz. Фото: Nv.kz.