Бокстан әлем чемпионатының финалына Қазақстанның 5 боксшысы қатысады. Қазақстан құрамасы финалистер саны бойынша екінші орында тұр.
Көшті әлем чемпионатын өткізіп жатқан Өзбекстан мемлекеті құрамасы бастап тұр. Финалға жеті өзбек спортшысы өтті.
Үшінші орынды Куба құрамасы иеленді. Финалда төрт боксшы жұдырықтасады.
Сондай-ақ алтын медаль үшін Франция, Ресей, Грузия, Моңғолия, Бразилия, Қытай, Әзербайжан және Италия елдерінің боксшылары рингке шығады.
Естеріңізге сала кетейік, 2023 жылғы әлем чемпионатының финалында Қазақстан құрамасынан Санжар Тәшкенбай (48 кг), Махмұд Сабырхан (54 кг), Дулат Бекбауов (67 кг), Асланбек Шымбергенов (71 кг) және Нұрбек Оралбай (80 кг) өнер көрсетеді.
