Бокстан әлем чемпионатына қатысып жатқан Руслан Абдуллаев пен Тоқтарбек Танатхан бірі Өзбекстан атынан, бірі Қытай атынан шығатын этникалық қазақтар.
Тоқтарбек Танатхан жарыс барысында сенсация жасап, 80 келіге дейінгі салмақ дәрежесінде екі дүркін әлем чемпионы куба боксшысы және 2015 жылғы әлем чемпионы Арлен Лопесті жеңген болатын.
Қытай құрамасының атынан шығатын боксшы финалға өтті. Ол қола медальға үміткер. Тоқтарбек Танатхан финалда Қазақстан құрамасының боксшысы Нұрбек Оралбаймен жұдырықтасады.
Ал 20 жастағы Руслан Абдуллаев әлем чемпионатына Өзбекстан құрамасы атынан қатысып жатыр.
Ол жартылай финалда 63,5 келі салмақта Олимпиаданың қола жүлдегері, әлем чемпионатының үш дүркін қола жүлдегері, екі дүркін Еуропа чемпионы Ованес Бочковты жеңіп финалға өтті.
Оның финалдағы қарсыласы Монғолия боксшысы Чинзориг Баатарсух.
