![Халық 1, 2 және 5 теңгемен төлем жасай алмайтыны рас па?](/media/2023/05/17/z.jpeg)
Ұлттық банк 1, 2, 5 теңгелік монеталарды төлем құралы ретінде қабылдаудан бас тарту жағдайлары аясында мәлімдеме жасады.
«1, 2, 5, 10, 20, 50, 100 және 200 теңге заңды төлем құралы ретінде пайдаланылады. Монеталар Қазақстан бойынша төлемнің барлық түрлері үшін, сондай-ақ банктік шоттарға есептеуге және аударуға міндетті, оларды шектеусіз барлық банктер және Ұлттық пошта операторы «Қазпочта», Ұлттық банк айырбастайды», деп түсіндірді Ұлттық банк өкілдері.
Сондай-ақ ұлттық валютаның банкноттары мен монеталарын номиналды құны бойынша қабылдаудан бас тартқандар ӘҚБтК-нің 206-бабы бойынша әкімшілік жауапкершілікке тартылады.