«La Ciudad de los niños» (Балалар қалашығы) үйінде ата-анасыз қалған және тамақ пен оқуға қаражаты жоқ мектеп жасындағы жасөспірімдер тұрады. Фан-клубтар өздерінің ресми әлеуметтік желілері арқылы осы балалар үйі туралы ақпарат таратып, мамыр айында қайырымдылық көмек көрсеткен.
Фан-клубтардың әкімшілерінің айтуынша, бұл қайырымдылық акциясына Димаштың үлгі көрсетуі мен оның балаларға деген шексіз сүйіспеншілігі шабыттандырған. Бұдан соң, Перудегі Димаштың фан-клубтары (Dimash Qudaibergen Peru World және Dimash Kudaibergen Peru Dears) балаларға көмек жобасын жүзеге асыру үшін бірігіп жұмыс істеген.
Сонымен қатар 20 мамырда Димаштың перулік жанкүйерлері балалар үйіне тез бұзылмайтын азық-түліктерді де жеткізген. Бұл туралы Dimashnews.com хабарлады.
«Біз балалар қалашығына қаражат бөлген барлық Dears-ке алғыс айтқымыз келеді. Осы жобаға қосылып, Перу балаларының әл-ауқатын жақсартуға ықпал еткеніңіз үшін рақмет! Біз сізге шын жүректен алғыс айтамыз», деді Перу фан-клубының әкімшілері.
