Әлем • 23 Мамыр, 2023

Кремний алқабында оқып жүр

415 рет
көрсетілді
3 мин
оқу үшін

Қазақстан, Түркия, Қырғызстан және Моңғолиядан келген 15 стартап Кремний алқабында бес апталық «Hero Training» бағдарламасы бойынша оқуды бастады. Олар «Astana Hub» және «Draper University» халықаралық технопаркінің «My Ventures»-пен серіктестікте бірлескен преакселерациялық бағдарламасының нәтижелері бойынша іріктеліп алынған.

Кремний алқабында  оқып жүр

«Astana Hub»-тың хабарла­уынша, жас IT-компаниялар «Hero Training» бағдарламасының екінші кезеңіне сәтті өтті. Бағдарламаны «Draper University» мен «Draper Fisher Jurvetson» венчурлық компаниясының негізін қалаушы Тим Дрейпер ашты.

Бастапқыда бағдарламаға 199 стартап­тан­ өтінім түскен. Соның 80-і преаксе­ле­ра­циядан өтіп, нәтижесінде 15 үздік жо­ба таңдалған. Олар – «Flowsell.me»,­ «ozen», «CITIX», «SpaceLab», «Smartestprep», «BEEP», «Beyne.ai», «Sqm­-invest», «Connected Home Ltd.», «Med365», «Big Dream Lab», «Alaqan Techno­logies» (барлығы – Қазақстан), «Smart­ Technologies» (Қырғызстан), «FIBO­ CLOUD» (Моңғолия), «Medixbot» (Түркия).

Сондай-ақ төрт стартап («Beyne.ai», «GoDays», «BEEP» және «Smartestprep») әрқайсысы 30 мың доллар тұратын «my ventures» бағдарламасының серіктесінен инвес­тиция алды.

«Бұл – біздің стартаптарымызға алғаш рет ұсынылып жатқан бірегей мүмкіндік. Қа­тысушылардың құрамы әртүрлі бол­ға­нына қуаныштымыз. Отандық стартаптармен қатар Қыр­ғыз­стан мен Моң­ғо­лиядан келген стартаптарға Кремний алқа­бында оқуға мүмкіндік бердік. Сон­дай-ақ біздің бағдарламаға алғаш рет Түркия стартапы қатысып жатыр. Соны­мен қатар екі апталық преакселерация нәти­жесі бойынша «Draper University Ven­tures» командасы 15 финалис­тен бас­қа­ «follow-up meeting»-ке тағы да бір­қа­тар жобаны шақыру туралы шешім қабыл­дады. Бұл қатысушыларға «Draper University's dedicated alumni fund» атынан 100 мың долларға дейін қаржыландыруды тартуға қосымша мүм­кін­дік беріледі», деді «Astana Hub» бас дирек­торы Мағжан Мәдиев.

«Astana Hub» және «Draper University» серік­тестігі аясында­ Кремний алқабында стар­таптар қарқынды акселерация бағдар­ла­масынан өтеді және өз жобаларын әлем­дік­ нарыққа, оның ішінде АҚШ нарығына масш­табтауға мүмкіндік алады.

Қарқынды акселерациялық бағ­дар­лама «Draper University»-дегі кампус базасында өтеді. Алты ай бойы барлық стартапқа бас­пана мен жұмыс кеңістігі ұсынылады. Осы кезеңде қатысушылардың тәжірибелі техно­логиялық кәсіпкерлер мен «Draper» эко­жүйе­сі сарапшыларының жетек­ші­лі­гімен инвестиция тартуға және АҚШ на­рығына шығуға бірегей мүмкіндігі бола­ды.

Кремний алқабындағы оқу кезінде стартаптар үшін «Demo Day»-ге қатысу (офлайн), нетворкинг, сарапшылардың сараптамасы мен тәлімгерлігі қол­жетімді болады әрі оларға АҚШ-тағы «Astana Hub» халықаралық агенттігі қолдау көрсетеді.

Айта кетейік, осы жылдың 10 нау­рызында Сан-Матеода (Калифорния штаты) еліміздің Цифрлық даму, инно­вациялар және аэроғарыш өнеркәсібі министрі Бағдат Мусиннің АҚШ-қа ресми сапары кезінде «Astana Hub» бас директоры Мағжан Мәдиев пен «Draper University» президенті Асра Надим ынтымақтастық туралы шартқа қол қойған болатын.

«Draper Ecosystem» – инновациялық эко­жүйені қолдау үшін озық фасилита­тор­лар мен тәлімгерлердің, салалық сарап­шы­лардың, корпоративтік серіктестердің және инвесторлардың теңдесі жоқ желісін ұсы­ну арқылы таланттарды, сарапшылар­ды­ және инвес­торларды біріктірудің біре­гей­ тәсілі. «Draper University» негізін венчур­лық капитал бизнесінде 38 жылдық тәжі­рибесі бар Тим Дрейпер қалаған. Оның басқаруында 11 қор бар, оған 7,7 млрд доллар инвестиция салған.