Алматының бірнеше мектебіне жарылғыш зат қойылғандығы туралы хабарлама түскен

Алматы қалалық Полиция департаментінің мәліметінше, оқиға орнында мамандар жұмыс жүргізіп жатыр.

«Қаланың төтенше жағдайлар қызметі қазір бұл нысандарда жарылғыш зат бар-жоғын тексеріп жатыр. Саперлер комиссиялық тексеруді эвакуациясыз жүргізуде», деп хабарлады Алматы қалалық полиция департаментінің баспасөз қызметі.

Полиция Алматы тұрғындарын қабылданып жатқан шараларға түсіністікпен қарап, жалған ақпарат таратпауды сұрады.