Мереке • 31 Мамыр, 2023

Балалар ауылындағы мереке

323 рет
көрсетілді
1 мин
оқу үшін

«SOS Астана балалар ауылы» мекемесінде Халықаралық балаларды қорғау күніне арналған «Балалар – өмір гүлі» атты мерекелік іс-шара өтті. Оған еліміздің Қарулы Күштері Ұлттық әскери-патриоттық орталығының өкілдері қатысты.

Балалар ауылындағы мереке

Бұл күні балалар ауылында «Жас­ сарбаз» әскери-патриоттық клу­бы ашылды. Жас патриот­тар­ ант беріп, балалар мен жас­өспірімдер қозғалысының куә­лі­гін алды.

– Біздің қозғалыстың құра­мын­да 250 мыңнан астам адам­ бар. Сіздер үшін әскери-патриот­тық клубтағы сабақтарды қызық­т­­ы, танымдық және пайдалы етіп­ өткізуге тырысамыз, – деді қоз­ға­лыс­ же­текшісі, майор Мейірбек Меңді­­ғалиев.

Ұлт­тық­ әскери-патриоттық орталы­ғы­ны­ң басшысы Арман Әсенов тәр­бие­ленушілерді мерекемен құттықтап, осынау істе жауап­кер­шілік танытуға шақырды. «Сіз­дер бірер жылдан соң Отан қор­ғаушы атанасыздар. Бұл өте абы­ройлы әрі жауапты міндет», деді­ ол өз сөзінде.

«Жас сарбаз» шығар­ма­шы­лық сту­диясы дайындаған мерекелік кон­церт, аниматорлар мен түрлі ойын­дар балаларға керемет көңіл күй сыйлады. «SF» тәтті тағам­дар желісінің қолдауымен 150 ба­лаға дәмді ас таратылды.

Еске сала кетейік, «SOS балалар ауылы» – жетім балалар мен ата-анасының қамқорлығынсыз қал­ған балаларға ұзақ мерзімді отба­сылық қамқорлық көрсету бағ­дарламасы.

 

Мерей АУҒАЛИ,

Л.Н.Гумилев атындағы ЕҰУ студенті