Аймақтар • 21 Маусым, 2023

Павлодар мұнай-химия зауыты жөндеуге жабылды

293 рет
көрсетілді
1 мин
оқу үшін

Павлодар мұнай-химия зауытында күрделі жөндеу жұмыстары басталды. Осыған байланысты зауыт жұмысы уақытша тоқтатылды, деп хабарлайды Egemen.kz.

Павлодар мұнай-химия зауыты жөндеуге жабылды
ҚР Энергетика министрлігі бекіткен жұмыс кестесіне сәйкес, 2023 жылдың 20 маусымы мен 19 шілдесі аралығында Павлодар мұнай-химия зауытының жұмысы уақытша тоқтайды.
«Кәсіпорында күрделі жөндеу кезінде жүргізілетін жұмыстың негізгі бөлігіне технологиялық жабдықтардың (құбырлар, пештер, бу құбырлары) өнеркәсіптік қауіпсіздігін техникалық тұрғыдан куәландыру, жөндеу және сараптау кіреді. ҚР «Азаматтық қорғау туралы» Заңы мен саладағы қолданыстағы нормативтік құжаттардың талаптарына сәйкес, жоғарыда аталған жұмыстарды орындау кезінде зауыттың технологиялық объектілерін пайдалануды толық тоқтату талап етіледі», делінген ПМХЗ баспасөз қызметі таратқан хабарламада.

Бұл ретте зауыт жұмысы тоқтайтын кезеңге 37 мың тонна бензин мен 47 мың тонна дизель отынының қоры жеткілікті мөлшерде жинақталғанын айта кету керек.