Қазақстан теннис федерациясының баспасөз қызметі хабарлағандай, Германияда өткен Галле ATP 500 турнирінің жеңімпазы атанған Александр Бублик 48-ден 27-орынға көтерілді.
Айта кетсек, бұл оның рекордтық көрсеткіші.
Сондай-ақ Тимофей Скатов - 138, Бейбіт Жұқаев - 239, Михаил Кукушкин - 259, Денис Евсеев - 320, Дмитрий Попко 343-орында тұр.
Жұптық сында Александр Недовесов 53-тен 51-ге жоғарыласа, Андрей Голубев 86-орында тұр.
Әйелдер арасында Елена Рыбакина 3-орнын сақтап қалса, Юлия Путинцева 50-ден 51-ге төмендеді.
Жұптық сында Анна Данилина - 24, Жібек Құламбаева 197-сатыда тұр.
