Қоғам • 05 Шілде, 2023

Астананың 25 жылдық мерейтойына арналған бауырлас қалалар форумы басталды

324 рет
көрсетілді
1 мин
оқу үшін

Президент Қасым-Жомарт Тоқаевтың қатысуымен Астананың 25 жылдық мерейтойына арналған бауырлас қалалар форумы өтіп жатыр, деп хабарлайды Egemen.kz.

Астананың 25 жылдық мерейтойына арналған бауырлас қалалар форумы басталды

«Бүгін бауырлас қалалардың басшылары осы форумда бас қосып отыр. Әлемнің әр түкпірінен арнайы келген мәртебелі меймандар бар. Баршаңызға шынайы ризашылығымды білдіремін. Сіздермен Астана қаласында кездесіп отырғаныма қуаныштымын. Биыл біздің елордамызға 25 жыл толып отыр. Бұл – мерейлі белес. Біз ширек ғасыр бұрын астанамызды Алатаудың баурайынан Арқа төсіне көшірдік. Есілдің жағасына ел қондырып, жаңа қаланың іргесін қаладық», деді Президент.

Жиынға елорданың бұрынғы әкімдері, елорданың құрметті тұрғындары, еңбек ардагерлері, мәдениет, ғылым, спорт қайраткерлері, ғалымдар, ұстаздар, мемлекеттік қызметшілер қатысып жатыр.