Қоғам • 05 Шілде, 2023

Дәулет Тұрлыхановтың ұлы қамауға алынды

386 рет
көрсетілді
1 мин
оқу үшін

Дәулет Тұрлыхановтың ұлы Нұрасыл Болат 15 тәулікке қамауға алынды, деп хабарлайды Egemen.kz.

Дәулет Тұрлыхановтың ұлы қамауға алынды

Алматы қаласының Әкімшілік құқық бұзушылық істер жөніндегі мамандандырылған ауданаралық сотында әскери бөлім бастығының белгіленген тәртіппен берілген бұйрығын орындаудан ашық бас тартқан қатардағы Нұрасыл Болатқа қатысты әкімшілік іс қаралды.

Сот 2 шілдеде әскери бөлімнің әскери қызметкері қатардағы жауынгер Нұрасыл Болаттың Алматы гарнизоны гауптвахтасынан шыққаннан кейін командирдің бұйрығына сәйкес өзінің әскери бөліміне баруға міндетті болғанын анықтады.

«Алайда ол оған бөлімше командирінің лейтенант А. берген бұйрығын орындаудан ашық түрде бас тартып, Әскери полиция басқармасының ғимаратына келген автокөлікпен белгісіз бағытта кетіп қалған»,  делінген сот хабарламасында.

Сот Нұрасыл Болатты ӘҚБтК-нің 652-бабының 6-бөлігінде көзделген әкімшілік құқық бұзушылықты жасағаны үшін кінәлі деп таныды. Ол 15 тәулікке қамауға алынды.

Сот үкімі заңды күшіне енген жоқ.