Спорт • 07 Шілде, 2023

Қазақстан құрамасы Париждегі Паралимпиада ойындарына жолдама алды

464 рет
көрсетілді
1 мин
оқу үшін

Кеше отырып ойнайтын волейболдан Азия чемпионатының жартылай финалында Қазақстан құрамасы Қытай командасын 3:2 есебімен жеңіп, келесі жылы Парижде өтетін Паралимпиада ойындарына жолдама алды. Бұл туралы Мәдениет және спорт министрі Асхат Оралов Telegram каналында жазды, деп хабарлайды Egemen.kz.

Қазақстан құрамасы Париждегі Паралимпиада ойындарына жолдама алды

Құрлық біріншілігінің финалдық ойыны 8 шілде күні сағат 16.30-да өтеді. Қазақстан құрамасы Ираннан келген волейболшыларға қарсы алтын медаль мен Азия чемпионы атағы үшін өнер көрсетеді. Кездесу Жақсылық Үшкемпіров атындағы жекпе-жек сарайында өтеді.

- Естеріңізге сала кетейін, соңғы рет параволейболдан Қазақстан құрамасы 1996 жылы Паралимпиада ойындарында өнер көрсеткен болатын. Парижде өтетін ойындарға жолдаманы Азия құрлығының 7 үздік ерлер командасы сарапқа салды, - деп жазды министр Telegram каналында.