1992 жылдың 13 шілдесінде бұрынғы Президенттің Жарлығымен Қазақстан Республикасының Ұлттық қауіпсіздік комитеті (ҰҚК) құрылды.
Дәл сол сәттен бастап жаңа дербес отандық арнайы қызметтің тарихы бастау алып, әртүрлі кезеңдерді бастан өткерді. Егемен ел болған жас мемлекетіміздің толықтай қалыптасып, одан әрі қарыштай дамуының маңызды да басты алғышарты – тұрақтылық пен қауіпсіздік.
Қазақстан Республикасы ұлттық қауіпсіздік органдарының бірыңғай жүйесін - ҚР Ұлттық қауіпсіздік комитеті және оның құрамына кіретін департаменттер мен өзге де құрылымдық бөлімшелер, ҰҚК-нің облыстар бойынша, республикалық маңыздағы қала мен елордадағы аймақтық органдары, оларға бағынышты қалалық және аудандық басқармалар (бөлімдер, бөлімшелер), сондай-ақ әскери контрбарлау, ҰҚК-нің Барлау қызметі, ҰҚК-нің Шекара қызметі, арнайы мақсаттағы құрылымдар, ғылыми-зерттеу мекемелер және өзге де ұйымдар құрайды.
