![Жібек Құламбаева ITF W 60 турнирінің жұптық сынында жеңімпаз атанды](/media/2023/07/16/7ee20816-12f9-40f8-8e54-24f806b6f61f.jpeg)
ҚР Теннис федерациясының баспасөз қызметі мәлім еткендей, отандасымыз беларусь теннисшісі Юлия Готовкомен бірге колумбиялықтар Джулиана Лисарасо мен Мария Паулина Перес Гарсияға қарсы ойын өткізіп, оларды 6:4, 6:4 есебімен тізе бүктірді.
Жібек енді жұптық сын бойынша ITF-тің 22 титулына ие. Бұған дейін ол W15 және W25 санатындағы турнирлерде жеңіске жетсе, бүгінде W60 сериясында алғаш рет жеңіске қол жеткізіп жатыр. Римдегі жетістігінің арқасында Құламбаева жұптық сында WTA-ның жаңартылған әлемдік рейтингінде өзі үшін рекордтық деңгейге көтеріліп, 174-ші орынға жайғасты.
Естеріңізге сала кетейік, сәуір айының басында Құламбаева Түркиядағы теннис турнирінің абсолютті чемпионы атанған еді.