Қоғам • 18 Шілде, 2023

Шығыс Қазақстанның таулы жерінде тұтанған өрт оқшауланды

284 рет
көрсетілді
1 мин
оқу үшін

Орманшылардың, өрт сөндірушілердің және жергілікті атқарушы органдардың бірлескен күшімен Черно-Убинск орман шаруашылығында өрттің 7 гектар алаңы оқшауланды, деп хабарлайды Egemen.kz.

Шығыс Қазақстанның таулы жерінде тұтанған өрт оқшауланды

Шығыс Қазақстан облысы Төтенше жағдайлар департаментінің хабарлауынша, өртті сөндіру кезінде қатты түтін қиындық туғызған. Өрт орнына ШҚО әкімдігі авиабөлімінің Ми-8 тікұшағымен өрт сөндірушілер, орманшылар және Қазавиақорғау десанты жеткізілді.

«Оттың таралуын жоғарыдан Қазавиақұтқару тікұшағының ұшқыштары бақылап отырды және десантшыларға жану жиегінің дәл координаттарын берді. Бұл түтінге қарамастан өртті қоршауға және оның үлкен аумаққа таралуына жол бермеуге көмектесті. Өртті сөндіруге ШҚО орман шаруашылығы мен ТЖД-дан 72 адам, 4 бірлік техника, ШҚО авиабөлімшесінің МИ-8 және МИ-2, Қазавиақорғау тікұшақтары жұмылды»,  делінген хабарламада.