Оқиға • 30 Шілде, 2023

БҚО-да күшті жел ағаштарды құлатып, үй шатырларын ұшыртқан

253 рет
көрсетілді
1 мин
оқу үшін

Аталмыш оқиғалар 29 шілде күні Батыс Қазақстан облысында болды, деп хабарлайды Egemen.kz.

БҚО-да күшті жел ағаштарды құлатып, үй шатырларын ұшыртқан

Фото: БҚО ТЖД

БҚО Төтенше жағдайлар департаментінің баспасөз қызметі мәлім еткендей,  Орал қаласында Гагарин көшесі 2/5-мекенжайында сағат 15.54-те ағаш автокөлікке құлаған. 

Ағаш басып қалған автокөліктен жүргізуші шыға алмай отырған. Құтқарушылар тобы ағашты кесіп, автокөлікті босатты. Жұмыс сағат 16.40-та аяқталған.

Сондай-ақ Теректі ауданының Подстепный ауылында екпіні секундына 13 метрге дейін жеткен күшті жел сағат 17.00-де бір қабатты төрт пәтерлік үй шатырын (50 шаршы метр) жұлып түсірген.

«Орал көшесі 15-мекенжайда орналасқан үйдің жалпы аумағы – 180 шаршы метр. Зардап шеккендер жоқ», деп мәлімдеді ведомство.