«Қазгидромет» мамандарының айтуынша, дүйсенбіде, 31 шілдеде ауаның ластануының жоғарылауы немесе қолайсыз метеорологиялық жағдайлар Астана, Алматы, Атырау және Ақтөбе қалаларында болады.
Ауа райының қолайсыз жағдайлары (ҚМЖ) – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы мүмкін.
Ластану деңгейінің қалыптасуын анықтайтын маңызды факторлардың бірі синоптикалық жағдайды болжау (жел, жауын-шашын, ылғалдылық, ауа температурасы).
