Республикалық маңызы бар «Алматы – Шелек – Қорғас» автожолының 126-шы шақырымында, магистральдің оң жақ бойында жалпы ауданы 540 м2 құрайтын, жолдағы жұртқа қызмет көрсететін нысан өз жұмысын бастады. Бұл нысанда сауда және тамақтану пунктері, көліктерге арналған тұрақ, эстакада және ерлерге, әйелдерге, ерекше қажеттілігі бар жандарға арналған абаттандырылған санитарлық-гигиеналық тораптар толық қарастырылған.
«Қызылорда – Павлодар – Успенка – РФ шекарасы» тасжолының Қарағанды облысының Родниковский ауылынан Павлодар облысының шекарасына дейінгі аралығы жөнделіп, пайдалануға берілді. Жолдың бұл бөлігі Қарағанды және Павлодар облыстарын байланыстырады. Осы жол арқылы тәулігіне 8 мыңға жуық көлік қатынайды екен.
