Александр Недовесов ATP-250 турнирінің ширек финалына шықты

Эквадор өкілі Гонсало Эскобармен жұптасқан қазақстандық теннисші турнирдің негізгі жеребесі бойынша алғашқы кездесуде Марсело Демолинер (Бразилия) - Филипп Освальдты (Австрия) 6:3, 6:4 есебімен жеңді.

Недовесов пен Эскобар жартылай финалға шығу үшін Самуэль Вайсборн - Ромен Арнеодо (Монако) дуэтімен күш сынасады.

Бұған дейін осы турнирде Қазақстанның тағы бір өкілі Андрей Голубев жұптық сайыстың бірінші айналымында украиналық Денис Молчановпен дуэт өткізіп, жеңіліп қалған еді.