![Қарағандыда шахта жұмысшысы үйінді астында қалды](/media/2023/08/06/be3fb190-c423-4259-be22-c68d27732a39.jpeg)
Бүгін таңертең бұрғылау жұмыстарын жүргізу кезінде 34 жастағы жұмысшы тау-кен үйіндісінің астында қалып қойған.
«6 тамызда «Шахтинск» шахтасында зәкірді бұрғылау кезінде кенжардың жоғарғы бөлігінен тау-кен массасының шоғыры опырылып, құлаған. Салдарынан үңгуші жарақат алды», деп хабарлады «АрселорМиттал Теміртау» АҚ баспасөз қызметі.
УПР-1 учаскесінің қызметкерлері үңгушіге алғашқы медициналық көмек көрсетіп, бірден оны шахтаның бетіне шығарған. Содан кейін реанимациялық-шокқа қарсы топ бригадасы зардап шеккен кеншіні Қарағанды қаласындағы Х. Мақажанов атындағы ауруханаға жеткізген.