Қонаев әкімі қанша жалақы алатынын айтты

Нұрлан Құматаев 2020 жылдың мамыр айынан бері Қонаев қаласының әкімі болып қызмет етіп келеді. Оның айтуынша, жалақыны жоғары тұрған басшылық бекітеді.

Zakon.kz сайтының жазуынша, бүгінде қала әкімі ай сайын 900 мың теңге алады.

«Мен жалақыны өзіме жазбаймын, оны жоғарыдағы басшылық белгілеп, бекітеді. Менің лауазымым - облыс орталығының әкімі, соған байланысты басқа әріптестерімнен сәл жоғары аламын», деді қала әкімі.