Президент 29 маусым күні «Жол қозғалысын ұйымдастыру мәселелері бойынша кейбір заңнамалық актілерге өзгерістер мен толықтырулар енгізу туралы» заңға қол қойғаны мәлім. Ресми түрде жарияланған аталмыш Заң 30 тамыздан бастап қолданысқа енгізіледі. Сол заң арқылы «Жол қозғалысы туралы» заңға түзетулер енгізіліп, көлік құралдарының жаңа түрлері: «Шағын электр көлік құралдары» мен «Электр скутерінің» мәртебелері анықталды.
Гироскутерлер, сигвейлер, монокөліктер, электр скейтбордтар және басқа түрлері шағын электр көлігі ретінде саналады.
Ал электроскутер - екі немесе үш дөңгелегі бар, электр қозғалтқышын пайдалану арқылы бір адамның қозғалуына арналған, орындығы жоқ, максималды конструктивтік жылдамдығы сағатына 25 шақырымнан аспайтын көлік құралы.
Құқық бұзушылықтар анықталған жағдайда, бұл шағын көліктердің иелері ӘҚБтК 593-бабы (5 АЕК айыппұл) немесе ӘҚБтК 620-бабы (ескерту немесе 3 АЕК айыппұл) бойынша жауапқа тартылады.
