ӨЗАРА ІС-ҚИМЫЛ МАҢЫЗЫ

Қаржы және бюджет комитетінің төрағасы Қайрат Ищанов бастаған Сенат депутаттары Халықаралық валюта қорының Қазақстандағы миссиясының өкілі – Таяу Шығыс және Орталық Азия елдері департаменті директорының орынбасары Давид Оуэнмен кездесті. Әлемдік қаржы дағдарысын еңсерудегі Халықаралық валюта қорының белсенді рөлін атап өте келіп, Қ.Ищанов Қазақстан мен осы халықаралық құрылымның өзара іс-қимылының маңызына тоқталды. Қазақстан экономикасы алдында тұрған мәселелерді заңна­малық тұрғыда қамтамасыз ету жайына қатысты Қ.Ищанов қаржы-несие және валюта саясатын жетіл­діру шаралары мен биылғы жыл­дың бюджет көрсеткіштерін нақ­тылау жөнінде айтты. Д.Оуэннің айтуынша, “эконо­ми­каның тұтастай және жекелеген салаларын” жүйелі және жедел түрде “мемлекеттің қолдауы Қазақ­стан Үкіметіне басқа елдердің эко­номикасы тап болған күрделі мә­селелерді жылдам шешуге мүмкін­дік берді”. Кездесуге қатысушылар Халық­аралық валюта қорының техни­калық көмек беру мен оқы­туға қа­тысты жұмыстары туралы мәселе­лерді де талқылады, деп хабарлады Парламент Сенатының баспасөз қызметі.