Фото: asu.edu.kz
Конституция күнін атап өту, Ата заңды ұлықтап, жастардың құқықтық сауатын арттыру мақсатында өткен конкурсқа әртүрлі мамандықта оқитын 250 студент қатысуға ниет білдірген екен.
Қатысушылар конкурстың алғашқы кезеңінде Қазақстан Республикасы Конституциясының ережелерін білу деңгейін анықтау үшін 25 сұрақтан тұратын сауалға жауап берсе, екінші кезеңге сүрінбей өткендер Ата заңның баптарын жатқа айтудан жарысқан. Конкурсқа Атырау қалалық соттың судьясы, прокурор және жеке сот орындаушы, университеттің азаматтық құқықтық пәндер кафедрасының оқытушылары төрелік етіп, жеңімпаздарды анықтаған.
Конкурс қорытындысы бойынша 3-орынды (30 пайыз жеңілдік) «Экология» мамандығының студенті Ботакөз Интимахова, 2-орынды (50 пайыз жеңілдік) қылмыстық-құқықтық пәндер кафедрасының студенті Медина Әбдеш алды. Ал бас жүлдені азаматтық-құқықтық пәндер кафедрасының студенті Жәңгір Темірханов бір жылдық оқуын тегін оқуға сертификат алды.
Дәстүрге айналған конкурс келесі жылы да жалғасуы мүмкін.
