Бұл жолы Александра Сәдуақасова алтынға қол жеткізсе, Зухра Ирназарова күмісті қанағат тұтты.
Ауыспалы ритммен 10 метрден жылжымалы нысана көздеуде Зухра мен Александра финалда негізгі кезеңде 378 ұпаймен тең түсті. Қосымша сында Александра мергендік танытып (19:13), чемпион атанды.
Газетіміздің өткен санында Зухра жеңімпаз, Александра екінші орыннан көрінгенін хабарлаған едік.
Қазіргі кезде Қазақстан құрамасы нысана көздеуден әлем біріншілігінде 2 алтын, 2 күміс, 1 қола жүлдемен жалпы есепте 9-орынға көтерілді.
