Қоғам • 04 Қыркүйек, 2023

Орманда жоғалған 83 жастағы әже табылды

185 рет
көрсетілді
1 мин
оқу үшін

Шығыс Қазақстан облысының орман алқабында немерелерімен  бірге саңырауқұлақ теруге  барған 83 жастағы әже хабар-ошарсыз кеткен еді, деп хабарлайды Egemen.kz ШҚО Полиция департаментінің баспасөз қызметіне сілтеме жасап.

Орманда жоғалған 83 жастағы әже табылды

Фото: https://www.gov.kz/

Самар аудандық полиция бөліміне қыз бала хабарласып, 83 жастағы әжесінен орманда жүріп көз жазып қалғанын айтқан. Туыстарына ілесіп, орманға саңырауқұлақ теруге барған әжей әп-сәтте көзден тасаланып,   адасып  кеткен. Өздері іздеп таппаған соң туыстары полициядан жәрдем сұрады.  

«Тәртіп сақшылары іс-қимыл жоспарын құрып, орман алқабында іздестіру жұмыстарына кірісті. Соның нәтижесінде, бір сағат ішінде зейнеткер аман-есен табылды. Немересі әжесін тапқан полицейлерге шын жүректен алғыс білдірді», деді  облыстық Полиция департаментінің қызметкерлері.