Аймақтар • 12 Қыркүйек, 2023

Жол сапасын тексеретін зертхана

337 рет
көрсетілді
3 мин
оқу үшін

«Жол активтерінің сапасы ұлттық орталығы» РМК Атырау облыстық филиалында заманауи үлгідегі зертхана ашылды. Жаңа зертхана дүниежүзілік ІСО-17025 стандартының талаптарына сай келеді. Әсіресе техникалық бақылаушылар, мердігер мекемелер мен жол саласындағы атқарушы билік өкілдерін оқытуға, тәжірибе алмасуға, студенттердің тәжірибеден өтуіне мүмкіндік жасалған.

Жол сапасын тексеретін зертхана

«Ұлттық сапа орталығының негізгі мақсаты – еліміздегі ав­то­мобиль жолдарын салу, қай­та жаңғырту, жөндеу, күтіп ұс­тау кезіндегі жұмыстарға, құ­­рылыс­қа пайдаланылатын ма­териалдардың сапасына сарап­тама жүргізу, диагностика­лау және аспаптық тексеруден өт­кі­зу, халықаралық және рес­пуб­ликалық маңызы бар ав­то­мо­биль жолдарындағы инфра­құрылым қауіпсіздігіне мо­ни­торинг жасау. Ал жергілікті фи­­лиалдар жылжымалы зертханасы бар автокөлікпен құрылыс жұмыстары аяқталған жол телімдерінің, жалпы пай­даланудағы автомобиль жол­дары­ның сапасын тексереді», дейді «Жол активтерінің сапасы ұлт­тық орталығы» РМК Бас директоры Замир Сағынов.

Атырау облыстық филиалы биыл 79 жолды бақылауға алған. Төрт жылдан бері мамандар 341 нысанға 3 612 рет тексеру жүргізіпті. Тексеру кезінде 1 038 ақау анықталған. Оның ішін­­де 247 өрескел ақау бар. Жол құ­рылысына пайдаланыла­тын ма­териалдардан 5 903 сы­на­ма алынып, зертханада тек­се­ріл­ді. Соның нәтижесінде 900 сы­на­маның еліміздің жол са­ласындағы стандарттарына сәй­кес болмай шыққан.

Жергілікті филиал маман­дары­ның анықтаған ақауға байла­нысты жолдың 90 263 шар­шы метр кедір-бұдырлы беті өңделген. Сондай-ақ 14 584 шар­шы метр асфальтбетон жа­мылғысы, 5 896 шаршы метр жол негізі, 631 текше метр те­мірбетон, 775 көпір қайта салын­ған. Мердігер компаниялар өз есебінен 357 млн теңгенің жұ­мы­сын қайта жасауға мәжбүр болған.

Мәселен, «Жол активтері са­пасының ұлттық орталығы» РМК Атырау облыстық филиалы­ның бөлім басшысы Нұрлан Жан­туриннің айтуынша, биылғы сәуір­де «Ақтөбе-Атырау-РФ шекарасы» бағытындағы жолдың «Атырау-Доссор» бөлігінде 120 500 шаршы метрден қара қиыр­шықтастың ұшқаны анықталған. Соған байланыс­ты ақау мердігер мекеменің қар­жысына қайта жөндеу ұйғарыл­ған.

«Қазір жолдың бұл бөлігі кепілдік мерзімінде тұр. Алайда мердігер ауа райы қолайлы кезде ақауларды толығымен жою жұмысын уақытында бастамады. Сол себептен тапсырыс беруші «ҚазАвтоЖол» АҚ Атырау облысы бойынша филиалына және облыстық мемлекеттік сәулет-құрылыс бақылау басқармасына хат жолдады. Өйткені 553-589 шақырым аралығындағы жолға 2021 жылғы қыркүйекте орташа жөндеу басталып, 2022 жылдың желтоқсан айында тапсырылған. Енді аталған жол бөлігінің беткі қабатын қайта төсеу жұмыстары «Маңғыстау құрылыс комбинаты» АҚ-ның қаржысына жасалды», дейді Н.Жантурин.

Мердігер компанияға қарасты жол учаскесінің жетекшісі Нау­­рыз Сүйінғараның айтуына қарағанда, бұл жолдың екі жыл­дық кепілдік мерзімі бар. «Жол активтерінің ұлттық сапа орталығы» РМК филиалы анық­таған кемшіліктерді жою үшін мамандар Маңғыстаудан келген. Олар жол үстіндегі таң­­ба­ларды қырып, тазалау жұ­мыс­тарын жүргізді. Содан соң 12 ша­қырымға түгелдей және кей тұстарына 1 500 тонна қара қиыр­­шықтас төселді.

 

Атырау облысы