Оқиға • 15 Қыркүйек, 2023

БҚО-да ағашқа соғылған жүк көлігі отқа оранды

163 рет
көрсетілді
1 мин
оқу үшін

Батыс Қазақстан облысының ТЖ департаменті мәлім еткендей, оқиға 14 қыркүйек күні Бәйтерек ауданына қарасты Мичурин ауылында болған, деп жазады Egemen.kz.

БҚО-да ағашқа соғылған жүк көлігі отқа оранды

Фото: БҚО ТЖД

Киім-кешек тиелген Volvo жүк көлігінің 32 жастағы жүргізушісі сағат 16.30-да Ленин көшесі 2-мекенжай тұсында ағашқа соғылып, кейін автокөлік отқа оранған.

«Тілсіз жау сағат 18.18-де оқшауланып, 21.43-те толық ауыздықталды. Зардап шеккендер жоқ. Оқиға орнына департамент құрылымдарынан 19 адам мен 4 техника жұмылдырылды. Қазіргі кезде оқиғаның жай-жапсары анықталып жатыр», деп хабарлады ведомство өкілдері.