Спорт • 19 Қыркүйек, 2023

Қуат Хамитов: Әлем чемпионы Ризабекке 1 миллион доллар берілсін!

326 рет
көрсетілді
1 мин
оқу үшін

ММА шебері Қуат Хамитов Сербияның бас қаласы Белградта күрес түрлерінен өтіп жатқан әлем чемпионатында 92 келі салмақта алтын медаль алған Ризабек Айтмұханға 1 миллион АҚШ доллары көлемінде сыйақы берілуі керек екенін айтты, деп хабарлайды Egemen.kz.

Қуат Хамитов: Әлем чемпионы Ризабекке 1 миллион доллар берілсін!

Фото: kuat__khamitov

Әлеуметтік желіде бейне үндеу жасаған спортшы еліміздің абыройын асқақтатып, Әнұранымызды шырқатып, байрағымызды желбіреткен Ризабек Айтмұханға әлем чемпионы атанғаны үшін 1 миллион АҚШ доллары мөлшерінде сыйақы берілуі керек деді.

«Бізде ешқандай нәтиже өнбейтін, балалар қызықпайтын спорт түрлеріне де миллиондап қаражат бөлінеді. Кешегі Ризабектің мұқым қазақты риза еткен жеңісі қандай құрметке де лайық. Сондықтан Туризм және спорт министрлігіне спортшының жеңісі үшін 1 миллион АҚШ долларын сыйға тартуы керек. Біз бұл жеңісті 32 жыл күттік. Мәскеу Олимпиадасының чемпионы Жақсылық Үшкемпіров атамыз да осы жеңісті армандады, қазақ баласы әлем чемпионы атанса деп күтті. Біз бүгін әлем чемпионына осылай құрмет көрсетсек, ертең жастарымызды да спортқа қызықтыра аламыз, оларға да серпін береді», деді бейне үндеуінде Қ.Хамитов.     

 

 

Соңғы жаңалықтар

Аймақ ажарланып қалды

«Таза Қазақстан» • Бүгін, 08:50

Мал өсірсең, қой өсір...

Шаруашылық • Бүгін, 08:48

Заң уақыт сұранысына сай

Қоғам • Бүгін, 08:45